من الامثال الشغبية

[عادل الريس]

أولا :تعديل الامثلة القديمة
1 - اللى بيته من إزاز ميغيرش هدومه فى الصالون .
2 - فاقد الشىء يدور عليه .
3 - اقلب القدره على فومها الفول يقع منها .
4 - تأتى الرياح محملة بالأتربة .
5 - ياخبرالنهارده بفلوس بكره ينزل عليه أوكازيون .
6 - اللى معاه قرش محيره يجيب حمام ويحمره ..
7 - جت الحزينه تفرح شغلت شريط حكيم وقعدت ترقص .
8 - قال يامحشحشين يكفيكوا شر الكمين .
9 - اللى ياكل لوحده يشبع .
10 - لاتبكى على اللبن فى البسكوت .
11 - اقطع عرق و حته بتلو .
12- اطبخى ياجاريه الأنبوبه فاضيه يا سيدى .
13- لو حبيبك عسل ما تحطلوش طحينة .
14 - اللى يتلسع من الشوربه يتصل بالمطافى .
15 - وبكره ترجع ريما من عند خلتها فى مارينا .
16 - ياداخل بين البصله وقشرتها حط قطرة علشان هادمع من ريحتها .
17 - اصوم اصوم وافطر على المدفع .
18 - القرش الأبيض بيعوم فى البحر الأحمر .
19 - ضربوا الأعور على عينه قالهم كسرتوا النضاره ,
20 - قالوا للحرامى أحلف قالهم وحياة قلبى وأفراحوا .
21- اللى ميشفش من الغربال يكشف على نظره .
22- المال السايب يعلم الطلبة .
23 - نام وارتاح وكل عسل نحل التمساح .
24 - من خرج من داره مينساش يأخد المفتاح معاه .
25 - الباب اللى يجيجلك منه الريح شيله وركب قبنورى .
26 - المضطر يركب التاكسى .
27 - رب صدفة خير من ألف ليلة و ليلة .
28 - اللى يخاف من العفريت يعمل عبيط .
29 - المركب اللى فيها ريسين يلعبوا طاولة .
30 - اللى خدتوا القرعه تخدوا ام الخلول.

32 - أكل العيش يحب الطعميه .

33 - العين عليها lenses .

ثانيا

أمثــــــال عربيــــات النقــــل والميكروباصات :
1- متبصليش بعين رضية دنا طلع عين أمى فى السعودية .

2- ربنا يحميكى من الميكانيكى .3-الحلوة أسمها تفاحة للسفر والسياحة .4- الحلوة من حلوان وصاحبها راجل غلبان .5- الحلوة من دمياط وعليها أقساط .

6- الحلوة لما تتدلع , تخلى الاسفلت يولع ..7- متزمروش يابهايم دا السواق نايم .8- اجرى جري الوحوش اوتوبيس 710 ماتلحقوش .

9- بيحسدونى عليكى وأنت سر عذا بى .

10- المجروحين يمسكوا يمين.

11- السعادة فى الرضا.

12- من حق الكبير يتدلع.

13- صغير بس يحيّر.

14- يا بركة دعاكى يا أما.

15- للكبار فقط.

16- مهما كان الأتوبيس مليان دايما ليك مكان.

17- تعمل حسابى اقدرك , تهزر معايا اعورك .
18- متقولش دى بكام , دى جاية بدهب المدام .

19-ماتبحلقش كدة يا لوح , دى جت بطلوع الروووح .

20-ماتبصش كدة يا عبيط , الحلوة دى بالتقسيط .

21- قصه كفاح مش جايه على المرتاح .

22-سوقوا بالراحة يا بهايم , اصل سواق العربية نايم.

23- الحلوة خوخه , جت بعد دوخه .

24- تركب اسليك , تنزل اولع فيك .

25- دلعها فى الغيارات , وريحها على المطبات .

26- لما كنت عصفور كلونى , ولما بقيت اسد صاحبونى ..

27- الرجولة مواقف والندالة دروس .

[أحمد اسماعيل]

روووعة

ابو احمد


تسلم على الامثال والطرح الرائع


وفقك الله وكتب لك السلامة

دعواتى لك بكل الخير

[عادل الريس]