{ مــــــعــــــــانـــــــ ـــاتـــــــــي }
.... لكي الخيار ....
تقدري تخليني على كف الزمان .. رحله يغازلها المدى
وتقدري بنفس المكان تتركيني .. صوت بلا صدى
ما أمنعك
تبقي معي وأبقى معك أو ترحلي وأودعك
لكن.........
إذا أحتجتني في يوم لهواي أو علمك بخل الزمن معنى عطاي
أرجعي ...
تلاقيني ابتسمت لأن قلبي لك وحيد ما أقدر أكرهك ..
ولو حتى رسمت الصوره من جد وجديد
بتطلع تماماً تشبهك
...... لكي الخيار ......
بعد موتي تعالي أنثري على قبري ورود الموت
تعالي اتذكري الماضي .. تعالي ابكي على موتي
بعد موتي تعالي اجمعي رفاتي واحضني التابوت
واسقي بدمعة عيونك تراب القبر وسكوتي
بعد موتي انا أنسان لي ذكرى ولا لي صوت
إذا جيتي تتذكريني تذكري لهفتي وصوتي
بعد موتي تعالي اسألي غيابي ليش فات الفوت
وليش الوقت فرقنا وعجل في الزمن موتي
أسألي عيونك إن حصل في يوم خنتك
وتجاهلتك رغم حبي وعناي
وانشدي دموعك إذا في يوم بعتك ...
بعتيني ياكيف بعتيني وأرخصتي بغلاي
كم حسبت الكون مافيه شخص مثلك
وكم حسبتك غايه أحلامي ومناي
وكم تحملت العنا وضحيت لجلك
هقوتي في حينها إنك شفاي
سامحك ربي على زيفك وكذبك
كيف تجرحيني وتبيني أنسى قضاي
ابكتب قصتي وأحكي مآسي كلها مره
على صدر الورق بكتب وجع آخر معاناتي
ابنبش قبري الصامت ابعلن للملا سره
ابظهر خافي ياما خنق بالروح فرحاتي
بحور عبرة عاشت بوسط الجوف محتكره
بصدري كم بي ضاقت بعز الليل عبراتي
بداية قصتي مولد لفا حامل لي فجره
ونسمة صبح فتانه تداعب حلو نسماتي
بديت أحلم بديت أجمع لعب وأنتظر يحي بكره
بديت أنظر لقدامي ولا أدري لوين نظراتي
ملكت الفرح بيديني شربته قطره قطره
تخلل في شراييني سكن بآخر محطاتي
يمر العمر بي يجري يدير الفرح لي ظهره
عزمني للأسى شوه بلون الليل لوحاتي
شعرت إن الزمن قاسي دروبي كلها خطره
شعرت برجفة ضلوعي تهد الحيل رجفاتي
عرفت الناس ماترحم قلوب جوفها صخره
عرفت ابكي عرفت أحزن وزاد الليل وناتي
بكيت من الأسى حتى فقدت الحس والنظره
نسيت أن مولدي غلطه كبيره في ملفاتي
حنين الأمس فيا تكسر وانخنق عطره
تبعثر جرحه بقلبي مزح بالحزن بسماتي
قدرت أنبش من الماضي مآسي كلها مره
قدرت أكتب ولكني عجزت أنهي معاناتي ......
أتمنى أنها تنال على أعجابكم ....
12-30-2009, 12:05 PM
مــــــعــــــــانـــــــ ـــاتـــــــــي
