بسم الله والصلاة والسلام على سيد خلق الله وبعد:
النهاردة أنا عايزة أحذرك من شيء مهم أوىىى
عايزة أقولك أوعا تنساهم لحسن يسبوك ويمشوا
طبعا كل واحد عايز يعرف هم مين دول هقلك بس صلي ع النبي
طبعا كل واحد فينا ربنا مديه نعم كتيييييييييييييير يووووووووووووه متعدش طيب النعم دي ربنا ادهلنا كدا عبثا يعني بالطبع لا
طب أدهلنا ليه؟ طبعا هترد تقول عشان نستخدمها في طاعته طب لما أنت عارف كدا ناسيهم لييييييه
النعم اللي ربنا أدهالك دي اوعا تنساهم طب هتفتكرهم إزاي أقولك يا سيدي
هتفتكرهم بإنك تعمل الآتي:
أولا: تشكر ربنا على النعم إللي إدهالك مش ربنا بيقول ولإن شكرتم لأزيدنكم
يعني كمان لما هتشكر النعم هتزيد شفت أنت كرم زي كدا في حياتك؟
ثانيا: تستخدم النعم إللي ربنا إدهالك في طاعته يعني متستخدمشي عينك مثلا في النظر إلى ما يغضبه عز وجل وودنك مثلا متسمعشي بيها إللي يغضبه عز وجل
عارف بقى لو معملتش اللي بقولك عليه دا هيسبوك ويمشوا بمعنى إن النعمة اللي مش هتشكرها بكل بساطة مش هتلاقيها
أو مش هتعرف قيمتها إلا لما تصاب فيها أو لا قدر الله تروح منك
مش مصدق طب أنا هديك مثال يا سيدي من واقعنا العملي أنا أهو قدامك كنت مقضياها يمين وشمال ولعب وتنطيط ولا على بالي شكر ولا غيره لغاية لما جالى حمى روماتيزمية مش بقولك كدا عشان تمصمص شفايفك لا بقولك عشان تعرف إن واجب عليك شكر النعمة
يالا أسيبكو عشان مطولشي عليكو
أوعا تنساهم لحسن يسبوك ويمشوا
والسلام عليكم ورحمة الله وبركاته
07-22-2009, 07:29 PM
أوعى تنساهم
رد: أوعى تنساهم
