حاجة بدعناها و لا طلعنا لقيناها
الحاجة اللى تدور عليها ما عليهاش نور
حالق راسه و عدمان ناسه
حاميها حراميها
حب ووارى و اكره و دارى
حبايبى رأيتهم ناقص حيطان بيتهم
الحبلة تمشى و تتمايل و تحسب ان الحبل دايم
حبة على حبة تملا قبة
حبنى و خد لك ريال ، هى المحبة بالحيال ؟!
حبنى و خد لك زعبوط قال : هى المحبة بالنبوت
حرمة من غير راجل زى الطربوش من غير زر<< مع ان المثل مش راكب يعني
الحزينة فى حزانها و الفايقة بتسلك فى سنانها
حسنة قليلة تمنع بلاوى كتيرة
حسنة يا سيدى قال سيدك بيشحت
حط ايدك على عينك زى ما توجعك توجع غيرك
حط راسك فى وسط الروس و ادعى عليها بالقطع
حط القرش على ودن القرد يلعب
حطى جوزك فوق السطوح ان كان فيه خير ما يروح
الحلابة و لا الدق فى العجول
حلبوا قردة كشت قالوا : يغور اللبن اللى ييجى من وشك
الحلو حلو و لو قام من النوم و الوحش وحش و لو غسل وشه كل يوم
الحما عقرب تقرص و تهرب<< لذيذ أوووي المثل ده
الحمل ثلاثة وحم و ثلاثة سأم و ثلاثة شحم
الحيطة لها ودان
والســــــــــــــــلامـ مسكُـ الختــــــــــــامـ
انتظـــــــــــــروني بالجـــــــــزء القادمـ