بص حضرتك زى مافيه بسبوسة بالقشطة.... قطايف بالمكسرات...
بطاطس باللحمة.... ملوخية بالأرانب ...
ففيه خيبة بالويبة
وفية خيبة راكبة جمل
أما عن الخيبة اللى راكبة جمل عن إشمعنى الجمل فتفسيرها معروف
يقال إن الخيبة ظهرت منذ قديم الزمان ... أيام ما كانت الجِمال وسائل مواصلات..
فمش معقول يتقال خيبة الأمل راكبة مرسيدس ..أو شبح .أو همر مثلاً
فجرت العادة إنهم يقولوا إنها راكبة جمل... على قد علمهم بقى
هاتقولى ماكان فيه خيول و...و...
هاقول لحضرتك القافية تحكم...
ماهو زى ماحضرتك عارف إن الناس تسيب كل حاجة فى إيدها وتقعد تألف أمثال... شعبنا يا استاذنا شعب
دا غير إن الناس كانت تقول راكبة جمل تفاؤلاً ببطئ الجمل وإن الخيبة وهى راكبة جمل هاتبقى خيبة بمزاج وجاية على الهادى مش بسرعة ونكروت خيبة الناس
وماتعرفش الناس فى الحالة دى تخيب بضمير
المهم علشان ما اطولش عليك .....قول طول
بص هو احنا عندنا خيبة بالويبة صحيح بس خيبتنا دلوقتى بقا غير كل خيبة فى أى وقت او فى اى زمان ما
على الأقل الفراعنة عملو حضارة وعرفو يتقنوا حاجة تعيش 7000 سنة إن كانت شوية صور فى المعبد او عمود قديم او شوية حجارة او حتى مومياء
بس إحنا بقا دلوقتى بنتقدم فى الخيبة فلم يتقن المصرى حتى ما يأكلة او يخترع مايركبة .والعمود ال يبنية دلوقتى يتهد بعدين على دماغة ودماغ ........
لم يتقن أو يخترع المصرى ما ينير لة طريقة فهل تعتقد فى يوم أنة سيعرف أن يمشى على طريقة لقد ترك نفسة لغيرة لكى يصنعوا لة ويخترعوا لة فهنيئا لة .ترك لغيرة يصنع طعامة وشرابة .ترك لغيرة يصنع أحلامة.فها هو المصرى فرعون مصر من يومة سايب العالم يعملة كل حاجة وهو يدفع أصلة متريش ومعاة فلوس أصلة مش فاضى يتقن ولا يخترع حاجة
المصرى مش فاضى ياعم عارف لية اقولك وراة نيولووك لعمرو أوتامر او حتى شرين ومش هاقولك على إليسا ولا هيفاء وال على أحدث موبايلات ال بكاميرا وال ميوزك ودش بكاما وهمبورجر بالكاتشب ومسابقات بالهبل فى رمضان وغير رمضان و.........إلخ .وخيبة بالويبا مع أنى حاسه إن خيبتنا دلوقتى خيبة بالكوسا والقرع بس إحنا ال سايبين نفسنا كدة إحنا جوانا طاقات وأفكار ودماغ جامدة بس مافيش فرصة نتنفس محبوسين داخل انفسنا ولاتنسوا خير جند الارض هم جند مصر إحنا جوانا خير كتير بس ياخوفى ننساة وننسى إزاى نصنع وإزاى نفكر وياخيبتنا لو جيبنا حد يفكرلنا فكرة تصدقوا إحنا محتاجين حد يفكرلنا
معلش طولت عليكم بس لازم كل واحد يقف مع نفسة ويحدد هدفة ويبدأ فى تحقيقة قبل فوات الأوان .
07-06-2009, 07:54 PM
خيبة الامل راكبة أيه ..؟؟
رد: خيبة
