ضرب العِقِلْ ...
ضرب العِقْل مايجرح الظهـر ياخـال
وقلبٍ يعرف الحـب ماطـاب نومـه
لازال حـبــه فالمعـالـيـق لازال
وعهدٍ على قلبي ، لا اوفّـي بيومـه
يوم الزفاف اللي عبـر فينـي اميـال
لا ارقص بذاك اليوم وافتـل همومـه
وامسح دموعٍ تحرق الجـوف وتنـال
عـزف الاغانـي والتهانـي ولومـه
هوشوق من تربط على خصرها الشال
وتميّل العـود الطـري فـي قدومـه
باكر بيتـرك لـي معانـات واقـوال
بأفواه ناس ٍ حطمت بـي رسووومـه
ولازلت رغم اللي جرى منه وانقـال
يحـرّم تمـس هدومـي الا هدومـه
ويحرم على جسمـي يغطيـه رجـال
غيره ، ونفسي في وعدهـا جزومـه
اقولها من صادق الـروح ، واشتـال
فعلي على قولـي ولانـي كتووومـه
اضرب وزيد الضرب بالحيـل ياخـال
دامه رحل ، مافيـه نفـس ٍ رحومـه
ولازال حـبـه فالمعـالـيـق لازال
وعهد ٍ على قلبي ... لا اوفّي بيومـه
م0ن
06-20-2009, 11:40 PM
ضرب العِقِلْ ...
