احنا الشعب المستهلك
بيقولك ان بعد الازمة الاقتصادية المالية اللى حاصلة اليومين دول . الصين مش هينفع تصدر لا للاوروبا ولا لامريكا لان هما مش عايزين انتاج من برة انما لازم يزودوا انتاجهم ويجيبوا دخل لبلادهم عشان الازمة تتحل ومش هيبقى قدام الصين الا الشرق وطبعا مصر ابرز بلد على الخريطة ليها نصيب الاسد
نائر :شوفت الموبايل الجديدي اللى انا جبته ده N 999 فيه اوبشنز فظيعة تقدر تتكلم مع تلاتة فى مكالمة واحدة و لا الكاميرا 30 ميجا بيكسل و 24 X زووم ومساحته 60 جيجا ده غير التليفيزيون والبلو تووث بيلقط من على بعد 150 متر.
نئير : مبروك بس ده انت مالحقتش تكمل ست شهور بالموبايل اللى فات وكانت امكانياته حلوة برضه . ليه غيرته؟
نائر : يا عم نئيرالعلم بيتطور بسرعة و انت عايزنى افضل محلك سر بالموبايل القديم ده . الواحد لازم يبقى up to date .
نئير: الله عليك كويس والله انك عارف ان العلم بيتطور بس يا ترى بيتطور منه لنفسه كده ؟
نائر : لا طبعا دى شركات عالمية بتشتغل و بتصنع و تنتج . احنا فين وهما فين ؟
نئير: معاك حق والله كلامك حكم النهاردة بس من الاولى اننا نساهم فى تطوير العلم والانتاج حتى باللى ربنا يقدرنا عليه ولا بس هما يشتغلوا و احنا نشترى عمال على بطال .
نائر : مالك يا عم نئير منفسن ومتضايق انى جبت موبايل جديد عيب عليك والله وانا اللى كنت بقول عليك انتيمى اللدود .
نئير : يا سيدى الفين مبروك عليك الموبايل وو مبروك عليهم هم بقى الصناعة والزراعة والتجارةوالسياحة والبلد كلها .
منقول لواقعيته
03-18-2009, 10:27 PM
احنا الشعب المستهلك
رد: احنا الشعب المستهلك
