عزوتـي بالحـب قلـبٍ كـلّ مايخطـي يـتـوب
●
●
مساءكم / صباحكم .. رآئع كمآ تحبوون
قصيــده اعجبتني بكل ماتعني الكلمه فأحببت انقلها لكم ...
يا صمودي كل ما هبـت مـن الماضـي هبـوب
يا وجودي كل ما صـار الهـوى مثـل السـراب
لملمـي باقـي غـرامٍ فـي خيالاتـي يـجـوب
واتركيني بس أفكّـر وش سبـب طـول الغيـاب
أحرق أنفاسي بنفسـي وأشعـل اهمومـي وأذوب
وانطفـي وأبقـى وحيـدٍ فـي غياهيـب العـذاب
واجمع أوراقي واصـدق كذبتـي واذنـب واتـوب
واهـدم احلـوم مداهـا بالهـوى حـدّ السحـاب
ذمّتـي منـك بريّـه مانـي بنـاقـص ذنــوب
والخطيّة ماتموت ان صـار جسمـي مـن تـراب
اسـرج خيولـي ولكـن علّتـي عنـد الركـوب
ياعذابـي مـن عنـا لـك لا يخـاف ولا يهـاب
قمت انادي لك بصوتٍ شاحـب ووجـهٍ شحـوب
وادري انّّك ما سمعتـي وانّ مـا عنـدك جـواب
صارت اسهوم التجافي ترتمي مـن كـل صـوب
واحتمـي منهـا بكفِّـي قبـل تلقينـي مـصـاب
والله انِّك لو فتحتـي لـي علـى النِّكـران بـوب
مـا يثنِّـي خطوتـي عنّـك ولا مليـون بــاب
لكن.. ادري بالحقيقـه تالـي الشمـس الغـروب
وتالي الحـب الـوداع وتالـي الكـذب الخـراب
مـا كذبتـي وان كذبتـي فالغـرام اكبـر كـذوب
أعرفك وانتي حقيقـه واعشقـك واثـرك سـراب
ريِّحيني واستريحـي واستـري بعـض العيـوب
وارحلي دامـك عزيـزه والزعـل فينـي عتـاب
وارحلـي دام المواجـع توّهـا تـرْفٍ لـعـوب
الجهالـه تفقِـد الصـادق مكاميـن الـصـواب
انتـي اللَّـه لايهينـك واصلـي ذيـك الــدروب
امّ انـا رجلـي تمـادت تمشـي ادروب الصِّعـاب
عزوتـي بالحـب قلـبٍ كـلّ مايخطـي يـتـوب
لكن احساسـي تعـزوى بالأمانـي ليـن خـاب
وش بعد حلمي وحلمـك مـن مسـرات وكـروب
حبّنـا كنّـه صغيـرٍ عذَّبـه وقـتـه وشــاب
انتظرتـك ليـن فـارق لـذّة النـوم الـهـدوب
وابتديت اطـوي غرامـك صفحـة بآخـر كتـاب
واللَّـه انـك ماتلاقـي بالشـمـال وبالجـنـوب
عاشقٍ يوفي وخلّـه مـن صنـوف الحـب تـاب
كيف اتوب اليـوم منّـك علمينـي كيـف اتـوب؟
وانتي بقلبـي خطيّـه مـا بهـا ذنـب وحسـاب
ما بقى لـي غيـر رجـوى عالـمٍ كـل الغيـوب
والتقي غيـرك حبيبـه تجبـر القلـب المصـاب
اسعـد الله قلبـي اللـي كـلّ ماهبَّـت هـبـوب
قام يصبر دون يدري وش سبب طول الغياب
03-16-2009, 01:27 AM
عزوتـي بالحـب قلـبٍ كـلّ مايخطـي يـتـوب
