السلام عليكــم ورحمـة الله وبركاتــة ،،
شوفوا يا جدعان خلينا نتكلم بصراحه , و بعيدا عن المصطلحات التربوية مؤقتا بس قبل ما نتقمص الدور يعنى
أطفال اليوم مش هم أطفال زمان ابداااااااااااااااااااااا , و اللى معتيرض كفى الله الشر يورينى نفسه اذا سمحتم
يعنى هديكم مثال يوضح كلامى ...
زمان كان ممكن نخوف العيال و نقولهم هنجبلكم ابو رجل مسلوخه و امناا لغوله و ولو ماعملتش الواجب هنحطك فى اوده الفيرران
و الحاجات الساذجة دى ,,,,دلوقتى بعد افلام الرعب اللى هى بقت الافلام المفضلة عند الأطفال , بقى حكاية امنا الغولة دى حاجات عبيطة لما تيجى تقولى لطفل دلوقتى هجبلك امناالغولة ييرجع بضهره لورا و يمسك بطنه من كتر الضحك و مش بعيد يقول عليكى عبيطة "لا سمح الله يعنى"
فحكاية الخوف دى انسيها ,
نيجى بقى للوسيلة التانيه اللى كانت بتستخدم ,وسيلة الضرب و التعذييييييييييب
حاليا بعد قرارات وزرا ة التربية و التعليم "نفدوا و لاد الذينا من الضرب" رغم ان احنا ياما خدنا على قفانا
بس نقول ايه حظوووووووووظ
و اذا حصل و استفردتى بالولد فى البيت و ضربتيه مش بعيد يقف يتنح و يطلع لسانه و يقولك هى هى مش بحسسسسسسسس بكل غتاته كدة رغم ان وشه بيكون احمر من كتر الوجع و الألم بس اطفال اليوم بيتميزوا بالعناد و التناحه
ايوة الله انا اللى بقوله ده عن تجربه ....
فالضرب كمانما بقاش وسيله فعاله
نيجى بقى لإسلوب المناقشه لو جيتى تعتبرى الطفل رجل ناضج كدة و جيتى تناقشيه , فتبقى غلطانه لأنه هو اللى هيقنعك بوجهة نظره مش العكس ,زمان كنا نكلم العيال كدة على قد عقولهم و نقول للولد اعمل كذا عشان ربنا يحبك و لا عشان نجيبلك حاجة حلوة , دلوقتى مابقاش ينفع
تيجى تقولى للعيل عشان اجيبلك حاجة حلوة تلاقيه بيقايضك بقى , جيتى فى ملعبه
يقولك لاااااااا انا عايز موبايل و مش اى موبايل بكاميراااااااا دة اذا ماقالكيش رقم العده فعلا و نوعها بالضبط يعنى و شرحلك امكانيتها و فى اللى يطلب كمبيوتر , الحاجة الحلوة دى بقت موضه قديمة ممكن يقولك خليهالك انى حلال عليكى الحاجة الحلوة ياستى .....
راق لى لانه واقع ملموس