طاجن سبيط بفواكه البحر

[نور]

طاجن سبيط بفواكه البحر





المقادير
نصف كيلو سبيط طازه مش مثلج
ربع كيلو جمبرى متوسط الحجم ( بس ميكونش بحجم بتاع الصيد ) أحنا حناكل مش حنصطاد ( و مش عيب تطلبى من الراجل ربع كيلو )
ربع كيلو محار ( جندوفلى ) و لضمان سلامه المحار يجب ان تكون المحاره كامله الغلق و يصعب فتحها
حزمه كرفس
2 حبه طماطم كبيره
حزمه بصل اخضر
بصله كبيره
خل
رشه جوز الطيب مطحون
فلفل و ملح
معلقه صلصه طماطم كبيره على كوب ماء
4 ملاعق كبيره زيت
2 فلفل اخضر ( حسب الطلب سواء كان حامى ام بارد )
نصف رأس ثوم مفروم
نصف معلقه صغيره كسبره ناشفه
نصف معلقه صغيره روز مارى
ليمونتان




طريقه العمل




يغسل السبيط جيدا و ينظف و يقطع قطع بحجم عقله الإصبع و يقطّع الأرجل بنفس الطريقه ثم يوضع فى طبق غويط و ينقع تماما فى الخل لمده 5 دقائق
يشطف الجمبرى بسرعه و يفصص و تنظف سلسله الظهر
المحار يسلق حتى تفتح الصدفه و ينزع من الصدفه
تقطع البصله الكبيره حلقات دقيقه الحجم و البصل الأخضر طرنشات صغيره و الليمون يقطع كل ليمونه نصفين فقط
يشطف الكرفس جيدا و يقطع قطع صغيره و معه الطماطم يقطع حلقات و الفلفل الأخضر طرنشات دقيقه
يشطف السبيط بعد نقعه فى الخل ( سبب نقعه فى الخل 1- التخلص من الزفاره 2- يتساوى فى السوى مع الجمبرى و المحار 3- حتى يكون اللحم طرى )
يسلق السبيط لمده 15 دقيقه و يرفع من على النار
يتم خلط السبيط مع الجمبرى و المحار و الخضره و الطماطم و الثوم و الفلفل و الليمون و جوز الطيب و الروز مارى و الكسبره الناشفه و الفلفل و الملح و البصل فى إناء كبير
تحضير طاجن مناسب الحجم و يوضع فيه المكونات السابقه و يصب عليهم كوب الصلصه و الزيت
توضع فى الفرن على نار 450 درجه لمده نصف ساعه ثم تهدأ النار للنصف لمده ربع او نصف ساعه
و بعدها تاكلى احلى طاجن و بألف الف هنا …….عارف ان محدش حيعمله علشان غلبه
و بألف هنا

[مرمر]

السلام عليكم ورحمة الله وبركاته

شكرا لكــ أخـ(ت)ـي الكريمـ(ة)ـ

على المشاركة الرائــعة

والوصفة الاروع

دائما تتحفينا بمواضيعك الجديدة

واصليابداعك في صرح منتدانا الغالي

نتمنى لكي أجمل و أحلى الأوقات

فلا تحرمينا من جديد ك

نحن بانتظاره دوما

تحيــ مرمر ــاتي