صباح الخير يا مصر
صباح الخير يا اوطانى
رجعت يا مصر من تانى
بموت فيكى وهبقا شهيد
بحبك من بعيد لبعيد
واموت تانى
وهبقى سعيد
سعيد بترابك الغالى
ودمى ف السما عالى
وايدى تدعى وتلالى
وعزى ف موتى يبقالى
يا اجمل شى بيحلالى
شموعى كل يوم هتقيد
صباح الخير يا مصر انتى
عروستى ف قلبى وسكنتى
شراعى ومرسى لسفينتى
ومهما يوم بعيد غبتى
هغنيلك ومد الايد
صباح الخير على عيونك
يا بلدى عمرى مهخونك
تناديلى اكون عونك
وحبك ف القلوب بيزيد
صباح الخير ي بهيه
وحسنك ف القلوب ديه
جريئه والله ف عنيه
تعيشى من جديد لجديد
صباح الخير يا محروسه
وليكى الف ميت بوسه
ومن غيرك مليش عوزه
ويبعد عنك الكوسه
ومن بعدك بحوس حوسه
مفيش بعدك يا مصر اكيد
صباح الخير يا ست الكل
عيونى عليكى ليه بتطل
وف رقبتك بحط الفل
وقلك زودى التنهيد
صباح الخير يا مصريه
يا اجمل واحده ف عنيه
بحبك راحه او جايه
بموت فيكى يا جنيه
وعمرى مكون عليكى بعيد
صباح الخير يا عزيزه
بحبك حلوه ولذيذه
ومن شبرا او الجيزه
نهارك كلو يبقا سعيد
صباح الخير يانواره
بتبنى مجد وحضاره
وانتى للقلوب جاره
وانا ف امرك اكون رعديد
صباح الخير على قلبك
ومن قلبى انا حبك
ومهما رحت من جمبك
راح ارجعلك وهبقا عنيد
صباح الخير يا مصر زويل
ومن غيرك بشوف الويل
وعلمك زد لنا التبجيل
تنور فى ظلام الليل
ورافع رسنا يا صنديد
صباح الخير يا طلابنا
وجعلين العلوم مدنا
وندعى يارب زودنا
ينجحكم وهيكون عيد
صباح الخير يا قهوتنا
صباحك خلى صحبتنا
نحس باننا ف بيتنا
مع اهلك بنبقا حديد
صباح الخير يا كل الناس
يا اجدع ناس
بقلهالكم وكلى حماس
وانتو كتير قوى ع الراس
وربى يكتر الحراس
ويحفظكو
من الشيطان من الخناس
ويبعد عنكم الوسواس
صباحكو جميل
صبحكم فل
صباحكو عليل
هواكو اصيل
وست الكل بتصبح وبتمسى
كدا ع الكل
بورد وفل
تغنى لكم غنا المواويل
دى مصر الحب!!! مصر النيل