|
رد: سؤال واحد فقط----------
رغم انك ضحكة المنتدى كما تعودنا منك
رغم انى اشعر بحزن دفين بداخلك فهل هذا صحيح تقبلى منى خالص تقديرى واحترامى الله على الكلام الحلو اللى انا بجد مش اده انتو اخجلتم تواضعنا انت يا اخ احمد سؤالك صح واجمل شئ فى الوجود أنك تجد ناس تحبك وتحس بيك فى زمن كل شئ اصبح فيه صعب كل شئ له ثمن انا حتى الصداقه اصبحت صعبه والكدب والرياء هما لغة العصر انا هنا وبدون مجامله قابلت الصداقه وشعرت براحه نفسيه برمى همومى وراء ظهرى وارمى نفسى فى سطور وكلمات صدفه اجد متعتى وانا بتصفح الموضوعات انسى كل شئ واعيش مع صدفه وبس لذلك لما بأكون تعبانه نفسيا لايمكن اعرف اكتب حرف لانى هاحس ساعتها ان دمى تقيل وانا مش بحب اكون دمى تقيل مع احلى صدفه دائما هاكون وبأذن الله سبحانه وتعالى ضحكة صدفه زى ما اتعودتوا عليا حتى لو كلى هموم ربنا يديم بينا الترابط ونفضل دائما على الخير مجتمعين ونظل دائما بذكر الله قلوبنا عامرة والف الف شكرا يا اخ احمد على اختيارك ليا ربنا يسعدك ويفرح قلب اللهم امييييييييين |
رد: سؤال واحد فقط----------
وراح أسال هدهد سؤال واحد أكتر شىء تحبيه بالمنتدى أيه ؟؟ سؤالك يحير يا ابوحميد لأنى مش عارفه اقول ايه لو قولت واتكلمت مش هاوفي صدفه حقها بحب فيها كل صدق ووفاء وترابط بين الاعضاء احب كل ما يطرح من موضوعات عندما تجد عضواً ما يطلب المساعدة وتساعده لوجه الله .... ويستفيد منك ... .... اليس هذا حب ؟؟ * عندما تضع يدك على معضله ما وكل من حولك لا يعيها , ومن ثم تجد كل من حولك تفهم ما تقوله وتدارك تلك المعضله ..... اليس هذا حب؟؟؟ عندما تكتب موضوع فيستفيد منه الكثيرون ليس من رد فقط بل من تواجد واطلع على الموضوع وجد به الشئ الجديد والمفيد .. وكانت نيتك خالصه لوجه الله بان تعم الجميع بالفائده ......اليس هذا حب؟؟؟ عندما تتكلم عن ظاهرة ما تغضب الله ورسوله بغض النظر هل تفاعل مجتمعك معك , ولكنك فعلت ما امرك به رسولك الكريم حيث قال : ( من رأى منكم منكراً فليغيره بيده فإن لم يستطع فبلسانه , فإن لم يستطع فبقلبه وذلك اضعف الايمان ) صدق الرسول الكريم .... اليس هذا حب؟؟؟ عند ردكم على موضوعى.... وموضوعات الاعضاء واجد نفسي فرحاً بمروركم وتعليقكم ومروركم الذى رسما على وجهي الابتسامه والسعادة...اليس هذا حب؟؟؟ مع كل هذه الحسنات المدراره ... وكل هذه الافعال الجباره الا يحق لى ان احب المنتدى وافتخر به |
رد: سؤال واحد فقط----------
سؤالي لما تصحي في الصبح ايه او حاجه تفكري فيها ام سندس ياعسل ربنا يسعدك كويس انك ملحقتيش ابو سندس محدش عارف كنتى هاتعملى ايه هههههههههههههههه بصى يا حبيبه قلبى انا اول ما افتح عينى مش هاكدب عليكى واقولك بصراحه بأقول يارررب يطلع النهارده الجمعه ولا اجازة رسميه علشان اكمل نوم وافضل امنى نفسى كدا لحد ماسمع صوت القمرررر بينادى عليا قومى وبطلى كسل اقول لها حاضر يا مامتى تيجى يا حبيبتى مش اروح المدرسه النهارده تقولى عيب عليكى اللى بتعمليه فيه كل يومدا ذنبهم ايه تلاميذك اقولها حاضررر حاضررررررررررر ياربى اعمل ايه بس ذنبهم بجد انى مدرستهم واقوم غصب عنى طبعا لكن الحق لله بعد ما اغسل وشى وافطر واذهب الى المدرسه انسى النوم واعيش حياتى زى الفل واشرح بضمير وسلاسه كى يفهموا منى الاولاد ويجعله عامررررررر يا ام سندس يا نواره المنتدى مش تحرمينا منك ولا من مرورك مرة طالب عندى راح قال لوالده ميس هدهد بنقولى يا غبىكل شويه والده ما كدبش خبر وراح جا المدرسه وقالى ازاى تقولى لابنى كل شويه يا غبى قولت له استنى شويه وانت تعرف يا ولد روح شوفنى فى الفناء راح الولد وغاب وبعد شويه جه قالى ملاقتكيش فى الفناء يا ميس رد عليه ابوه وقاله يا غبى روح شوفها عند المديرة هههههههههههههههههههههههه |
رد: سؤال واحد فقط----------
يا مرحبا بالاستاذ نوبى بلدياتى الى عينه الصافيه مخلتش فى النت عافيه ههههههههههههههه معلش احنا بنتكلم مش قصدنا حاجه يعنى انت لك عندى مفأجاه جباره فضيت لك فصل باكمله الامتحانات على الابواب والاولاد مش بيحضرو الا قليل منهم قولت سيبى نوبى يعيش يتنقل مثل الفراشه من تخته لتخته ويطلع الاول على الفصل اما ايه احنا عندنا اغلى منيكم انتو تأمرو واحنا وننفذ المرة القادمه هابنى لك مدرسه ياواد يا ابو اسكندر بلد ريا وسكينه كراكون اللبان وزنقه الستات وعمو امين بتاع الزيت ههههههههههههههههههههههههه هه |
رد: سؤال واحد فقط----------
ههههههههه
السلام عليكم عسل و اللهي يا هدهد ربنا يحفظك اما عن جابر انا قلت ملحوقه و اتصلت بيه و عملت معاه كرسي اعتراف هههههههههههههه |
رد: سؤال واحد فقط----------
استنوني انا جايه بسرعه احجزولي مكان |
رد: سؤال واحد فقط----------
طرح اكثر من رائع اخي احمد الغول
مع اني جيت متاخره بارك الله فيك متميز دائما في مواضيعك الرائعه لي عوده ان شاالله دمت بخير |
رد: سؤال واحد فقط----------
الله عليك وعلى قلبك وضحكتك الصافية
هدهد نورت بجد احلى موضوع واجمل اختيار من احمد الغول انا اسالك ياقمر احسك بداخلك حزن تداريه واتفهم لانك حساسة قوى اى كلمة تؤثر بك لكن حبيبتى لما تحبى تخرجى من احزانك ايه اكتر شئ تعمليه !! رب يسعدك يملاء الكون بضحكتك لايحرمنا من تواجدك المبهج دمت بكل الخير والسعادة يااجمل بسمة مشرقة محبتى |
رد: سؤال واحد فقط----------
انا اسالك ياقمر احسك بداخلك حزن تداريه واتفهم لانك حساسة قوى اى كلمة تؤثر بك لكن حبيبتى لما تحبى تخرجى من احزانك ايه اكتر شئ تعمليه !! ربنا يخليكى يا اجمل نورررررررررررررررر بلجا لربنا اولا وقبل اى شئ اصلى واستغفر ربى واقول الله لا اله الا انت انى كنت من الظالمين واقرء فى كتاب الله حتى اشعر بالاطمانينه وراحه البال وبعدين اقعد جنب تيته واضع رأسى على كتفها وهى تمسح على شعرى وتفضل تقرء كل هو الله احد والمعوذتين وتقولى تعالى لما ارقيكى انتى نجمك خفيف يا حبيتى والعين فلقت الحجر نصفين وكلام زى كدا بعدها افضل اضحك واقول لها يا تيته بطلى بقا احنا فى عصر النت تقولى ربنا يقطع النت وسنينه ههههههههههههههههههههه بعدها اروق وادخل اثلج صدرى فى منتدى صدفه اقبل احلى واحب اعضاء الى نفسى تصدقينى لو قولت لك انى بحس انى معاكم بجد وشايفاكم والله هذا هو احساسى من غير كدب ولا رياء انا بحسكم وبكتب وكأنى بتكلم معاكم يارب يخليكم ومش نتحرم من بعض ونظل دائما متجمعين على الخير والحب اللهم امييين |
رد: سؤال واحد فقط----------
كم سعدت بكلماتكم
احسها تؤنس وحدتى وتريحنى من تعب الحياه هدهد انت فعلا فاكهة المنتدى المميزة وانا فعلا كم احب منتدى صدفة بكل من فيه جميل طرحك احمد الغول ومميز موضوعك |
| الساعة الآن 02:08 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.6.0 (Unregistered) Trans by